दार्चुलामा ट्रयाक्टर दुर्घटना हुँदा दुई जना घाइते

दार्चुला - दार्चुलामा ट्रयाक्टर दुर्घटना हुँदा दुई जना घाइते भएका छन्।

जिल्लाको मार्मा गाउँपालिका वडा नम्बर–३ लटिनाथस्थित गोकुलेश्वरको भित्री कच्ची सडकखण्डमा बुधवार से २ च १४८१ नम्बरको ट्रयाक्टर दुर्घटना भएको हो। उक्त दुर्घटनामा परेर मार्मा गाउँपालिका–३ लटिनाथका चालक २१ वर्षीय सुनिल विष्ट र सहचालक घोडाघोडी नगरपालिका–१० पहलमानपूरका ३४ वर्षीय रामलखन चौधरी सामान्य घाइते भएको जिल्ला प्रहरी कार्यालय दार्चुलाले जनाएको छ।

---

ट्रयाक्टर मार्माको विटुलेबाट सिमेन्ट लिएर लटिनाथतर्फ गइरहेको थियो। ट्रयाक्टर सडक बाट करिब एक सय मिटर तल नदीको किनारामा खसेको छ।