४५ छात्राहरूमाथि यौन दुर्व्यवहार गरेकाे आराेपमा प्रिन्सिपल पक्राउ

कराँची। पाकिस्तानमा एक प्रिन्सिपलले ४५ महिला तथा छात्राहरू माथि यौन दुर्व्यवहार गरेको खुलेको छ । ​कराँची सहरबाट बलात्कारी प्रिन्सिपल इरफान गफुर मेमनले दिएको पीडा र यातानाको खबर बाहिर आएसँगै उनको कर्तुत खुलासा भएको हो । 

 समाचार अनुसार ४५ महिलासँग ब्लाकमेल र केहीलाई बलात्कार गरेको आरोपमा उनी पक्राउ परेका छन् । उनको मोबाइलबाट कैयौं महिलाको भिडियो पनि फेला परेको छ, जुन विद्यालयको सीसीटीभीमा कैद भएको थियाे ।

---

 विद्यालयमा केही क्यामेरा लुकाएर राखेका थिए, जसमा रेकर्डिङ गरेर उनले महिला शिक्षक र छात्राहरूलाई ब्ल्याकमेल गर्ने गर्थे । अनुसन्धान टोलीले उनको सेलफोनबाट यस्तै २५ वटा छोटो भिडियो क्लिप पनि बरामद गरेको छ ।