लागूऔषधसहित तीन बालक प्रहरी नियन्त्रणमा

वीरगन्ज । वीरगन्जमा लागूऔषधसहित तीन जना बालकलाई प्रहरीले नियन्त्रणमा लिएको छ। प्रहरीले वीरगन्ज महानगरपालिका-१५, ब्रम्हचोकबाट लागूऔषध नाइट्राभेट ट्याब्लेटसहित तीन जना बालकलाई पक्राउ गरेको हो। 

उनीहरूको नाम भने प्रहरीले सार्वजनिक गरेको छैन।

---

नाइट्राभेट ट्याब्लेट ३३७ पिससहित भक्तपुरको चाँगुनारायण नगरपालिका-७ का १६ वर्षीय , सिन्धुलीको सुनकोशी गाउँपालिका-२ का १७ वर्षीय र बाराको प्रसौनी गाउँपालिका-३ का १७ वर्षीय बालकलाई लागूऔषधसहित पक्राउ गरिएको पर्सा प्रहरीले जनाएको छ।

ब्रम्हचोकमा चुरो सेवन गरेर बसिरहेको अवस्थामा उनीहरूलाई शंका लागेर प्रहरीले जाँच गर्दा उनीहरूको साथबाट ३३७ पिस नाइट्राभेट ट्याब्लेट बरामद गरिएको प्रहरीको भनाइ छ।

पक्राउ परेका उनीहरूलाई जिल्ला प्रहरी कार्यालयमा राखेर उनीहरू विरुद्ध लागूऔषध सम्बन्धी कसूर मुद्दामा आइतबार पर्सा जिल्ला अदालतबाट पाँच दिनको म्याद थप अनुमति लिई थप अनुसन्धान थालिएको प्रहरीले जनाएको छ।