इन्द्रसरोबरबाट हराएकी वृद्धा मृत फेला

मकवानपुर- मकवानपुरकाे इन्द्रसरोबरबाट हराएकी एक जना वृद्धा मृत फेला परेकी छिन् ।

भदौ ३० गते इन्द्रसरोबर-२ ठुलोटारकी ९१ वर्षीय पुतलीमाया घलान हराएकोमा असोज २ गते मृत फेला परेको मकवानपुर प्रहरीले जनाएको छ । इन्द्रसरोबर-३ स्थित छोरीको घरबाट घलान हराएको भनी आफन्तले भदौ ३१ गते प्रहरी चौकी सिस्नेरीमा जानकारी गराएका थिए ।

---

प्रहरी र आफन्तले खोज तलास गरिरहेकोमा भिरबाट करिब २०० मिटर तल खसी लडी मृत्यु भएको अवस्थामा घलानलाई असोज २ गते आफन्तले फेला पारी प्रहरीलाई खबर गरेका थिए ।

बागमती प्रदेश प्रहरी कार्यालयको विपद व्यवस्थापन टोली र इलाका प्रहरी कार्यालय भीमफेदी मकवानपुरबाट खटिएको टोलीले भीरबाट घलानको शव निकालेको थियो ।

शवको मुचुल्का पश्चात पोष्टमार्टमका लागि हेटौंडा ल्याइएको जिल्ला प्रहरी कार्यालय मकवानपुरले जनाएको छ ।