रातोमाटे चेकपोष्टबाट १ लाख २१ हजार बराबरको अवैध सामान बरामद

मकवानपुर- पूर्व-पश्चिम राजमार्ग अन्तरगत हेटौँडा–१५, रातोमाटे चेकपोष्टबाट मकवानपुर प्रहरीले १ लाख २१ हजार बराबरको अवैध सामान बरामद गरेको प्रदेश प्रहरी कार्यालय हेटौंडाले जानकारी दिएको छ ।

बिहीबार दिउँसो १ बजेको समयमा प्रहरीले वीरगंजबाट हेटौंडा आउँदै गरेको ना ६ ख १२६२ नम्बरको यात्रुवाहक बसलाई सुरक्षा जाँच गर्दा बसको पछाडि डिक्कीमा लुकाई छिपाई ल्याएको चिन‍ी ७ बोरा (प्रति बोरा ५० किलोका दरले) र साडी ९० थान बरामद गरेको थियो । अवैध सामान नियन्त्रणमा लिई बसलाई गन्तव्यतर्फ पठाएको प्रहरीले जनाएको छ ।

---