कैलालीमा मोटरसाईकल दुर्घटना हुँदा चालकको मृत्यु

कैलाली । कैलालीको चुरे गाउँपालिका-५ भासु भीर क्षेत्र मन्दिर नजिकै भएको मोटरसाईकल दुर्घटनामा चालकको मृत्यु भएको छ।

चुरे गाउँपलिका ५ भासु मन्दिर नजिकै भीमदत्त राजमार्गमा तराईबाट पहाडतर्फ जाँदै गरेको से. ६ प. ८७२१ नं. को मोटरसाईकल अनियन्त्रित भई अन्दाजी ५० मिटर तल  भिरमा खसेर शुक्रबार साँझतिर दुर्घटना हुँदा मोटरसाईकल चालक जिल्ला डोटी, जोरायल गाउँपालिका वडा नं. १ बस्ने वर्ष १९ को भिम बहादुर बिक को शनिबार बिहान मृत्यु भएको हो ।

---

दुर्घटनामा गम्भिर घाईते भई उपचारका लागी धनगढी पुर्‍याइए पनि उपचार कै क्रममा निजको मृत्यु भएको हो । साथै दुर्घटनामा घाईते भएका मोटरसाईकल पछाडि सवार सोही ठाँउ बस्ने वर्ष  ४५ को ओम प्रकाश सुनारको निसर्ग अस्पताल धनगढीमा उपचार भईरहेको छ । यस सम्बन्धमा प्रहरीले थप अनुसन्धान गरिरहेको बताएको छ ।