इकागजकर्मी आचार्यलाई महिला सशक्तिकरण पत्रकारिता पुरस्कार

काठमाडौ । प्रेस काउन्सिल नेपालले प्रदान गर्दै आएको महिला सशक्तीकरण पत्रकारिता पुरस्कारबाट यो वर्ष सिन्धुपाल्चोककी दुर्गा आचार्य पुरस्कृत भएकी छन् ।
प्रेस काउन्सिल नेपालको ५४ औं वार्षिकोत्सवको अवसरमा सूचना तथा सञ्चार मन्त्री रेखा शर्माले एक समारोहमा इकागजकर्मी आचार्यलाई सम्मानपत्रसहित पुरस्कृत गरिन् ।

उनीसँगै यो पुरस्कारबाट सिन्धुपाल्चोककी आचार्य लगायत विभिन्न जिल्लाका गरि ६ जना पुरस्कृत भए । विभिन्न सञ्चार माध्यममा आवद्ध रही सक्रिय पत्रकारिता गर्दै आएकी आचार्य नेपाल पत्रकार महासंघ सिन्धुपाल्चोककी पूर्व उपाध्यक्ष तथा प्रेस युनियन सिन्धुपाल्चोककी निवर्तमान अध्यक्षसमेत हुन् ।
 

---