मकवानपुरमा ८ सय ५५ बाेलत मदिरासहित दुई भारतीय कार नियन्त्रणमा

मकवानपुर- मकवानपुर प्रहरीले ८ सय ५५ बाेतल मदिरासहित दुईवटा भारतीय कार नियन्त्रणमा लिएकाे छ । डिएल२सिएके१३९० र डिएल२सिएके७२७३ नम्बरकाे भारतीय कारबाट उक्त परिमाणका विभिन्न ब्राण्डका मदिरासहित कार र पाँच जना भारतीय नागरिकलाई नियन्त्रणमा लिइएकाे मकवानपुर प्रहरीले जनाएकाे छ ।

आइतबार जिल्ला प्रहरी कार्यालयमा पत्रकार भेटघाट गर्दै नियन्त्रणमा लिइएकाे कार तथा मानिसलाई सार्वजनिक गरिएकाे थियाे । मदिरासहित डिएल२सिएके१३९० नं.को कारका चालक भारत कलोनी रघुबिर नगर सुवाष नगर पश्चिमी दिल्लीका २७ वर्षीय बिक्की उक्त कारमा सवार भारत डि-८२९/१२/५ गज रघुबिर नगर टैगोर गर्डन बेष्ट पश्चिमी दिल्लीका २५ वर्षीय राहुललाई नियन्त्रणमा लिइएकाे हाे ।

---

यसैगरी डिएल२सिएके७२७३ नं.को भारतीय कारका चालक याद राम बी ७२१ जे.जे.कलोनी बक्करवाला पश्चिमी दिल्लीका २८ वर्षीय कुनाल उक्त कारमा सवार भारत एचएमपी – १२/५ वडा २८३ रघुबिर नगर टैगोर गार्डन पश्चिमी दिल्ली बस्ने ३१ वर्षीय नहिम र भारत हांट मिक्स एचएमपी १२.५ गज रघुबिर नगर टैगेर गार्डन पश्चिमी दिल्लीका ३७ वर्षीय राजुलाई प्रहरीले नियन्त्रणमा लिइएकाे हाे ।

असोज ५ र ६ गते प्रहरी चौकी रातोमाटे, मकवानपुरबाट खटिएको प्रहरी टोलीले १५ रातोमाटे चेकपोष्टमा चितवनबाट आंउदै गरेको डिएल२सिएके१३९० नं. र डिएल२सिएके७२७३ नं. को भारतीय कारलाई शंका लागि जाँच गर्दा भन्सार छली ल्याइएका राेयल ग्रीन ह्विस्की ३ सय ७५ एमएलको ७ सय १५ बोतल र १ सय ८० एमएलको १ सय ४० बोतल गरी मदिरा फेला पारी बरामद गरेकाे जिल्ला प्रहरी कार्यालय मकवानपुरले जानकारी दिएकाे हाे ।

नियन्त्रणमा लिइएका सवारी साधन र भारतीय नागरिकलाई आवश्यक अनुसन्धान तथा कारबाहीका लागि राजश्व अनुसन्धान कार्यालय पथलैया, बारा पठाइने मकवानपुर प्रहरीले जनाएकाे छ ।