धनगढी : डोटीमा युवतीमाथि मध्यरातमा मट्टीतेल छर्केर आगो लगाइएको छ । जिल्लाको आदर्श गाउँपालिका–४ रोडिङ्गे गाउँकी २८ वर्षीया लक्ष्मी भाटमाथि मध्यरातमा मट्टीतेल छर्केर आगो लगाइएको हो । जिल्ला प्रहरी कार्यालयका अनुसार आफ्नै पसलमा सुतिरहेको अवस्थामा मध्यरातमा उनीमाथि मट्टीतेल छर्केर आगो लगाएको खुलेको छ । 

आगोले जलेर गम्भीर घाइते भएकी भाटको राजपुरस्थित सुजंङ्ग अस्पतालमा उपचार भइरहेको जिल्ला प्रहरी कार्यालय डोटीका प्रहरी उपरीक्षक दानबहादुर मल्लले जानकारी दिए । उनका अनुसार आगो लगाउनेको पहिचान हुन सकेको छैन् । आगो लगाउनेको खोजी कार्य भइरहेको जिल्ला प्रहरी कार्यालय डोटीले जनाएको छ । 

---

घाइतेकोे स्वास्थ्य अवस्था गम्भीर रहेको सुजंङ्ग अस्पतालका प्रशासन प्रमुख अर्जुन बलायरले बताए । उनको हात, खुट्टा, शरीर आगोले जलेको छ ।