कञ्चनपुरमा भन्सार छली गरी ल्याएका पाँच लाख बढीका सामान बेवारिसे अवस्थामा बरामद

कञ्चनपुर- जिल्ला प्रहरी कार्यालय कञ्चनपुरले भिमदत्त नगरपालिका वडा न.११ भुजेलाबाट अवैध रुपमा भन्सार छली गरी ल्याएका पाँच लाख पाँच हजार रुपैयाँ बराबरका सामान बेवारिसे अवस्थामा आइतबार साँझ बरामद गरेको छ । 

जिल्ला प्रहरी कार्यालय कञ्चनपुरका अनुसार मोबाइल स्क्रिन कार्ड, मोबाइलका कभर, मोबाइल चार्ज, डाटा केबल, सोलार बल्ब, जुत्ता, सुट, साडी, पहिलो कपडा र चेक सर्ट लगायत विभिन्न किसिमका सामान बेवारिसे अवस्थामा फेला पारेको हाे । 

---

उक्त बेवारिसे समान भन्सार कार्यालय गड्डाचौकी कञ्चनपुरलाई सोमबार बुझाएको प्रहरीले जनाएकाे छ ।