धनगढीमा एक व्यवसायीमाथि चिर्पट प्रहार

धनगढी- धनगढीमा एक व्यवसायीमाथि कुटपिट भएको छ । धनगढीको जाईमा डेरी व्यवसाय गर्दै आएका कुसल धामीमाथि चिर्पट प्रहार भएको हो ।

स्थानीय सिर्जन खड्का र सन्दीप शाहीको समूहले धामीमाथि कुटपिट गरेको प्रहरीले जनाएको छ । आपसी विवादका कारण धामीमाथि स्थानीय युवाको समूहले कुटपिट गरेको प्रहरीको भनाइ छ ।

---

बिहान धामीका भाइसँग युवाहरूको टोलीको विवाद भएको र सोही क्रममा फेरि पसलमा आएर विवाद गर्न खोज्दा दाइ कुसलले झगडा छुट्याउन खोज्दा युवाहरूको चिर्पट लागेर धामी सामान्य घाइते भएको प्रहरीले जनाएको छ । कुटपिटमा संलग्न युवाहरूको खोजी भइरहेको प्रहरीले जनाएको छ ।