मकवानपुरमा ट्याङ्कर दुर्घटना हुँदा एकको मृत्यु

मकवानपुर । मकवानपुरको धरान चतरा सडक खण्डअन्तर्गतको सडकमा ट्याङ्कर दुर्घटना हुँदा एकजनाको ज्यान गएको छ ।

मकवानपुर जिल्लाको बकैया गाउँपालिका ५ मा आज दूध ट्याङ्कर दुर्घटना हुँदा चालकको मृत्यु भएको छ भने सहचालक घाइते भएको जिल्ला प्रहरी कार्यालय मकवानपुरले जनाएको छ ।

---

प्रहरीका अनुसार हेटौंडाबाट छतिवनतर्फ जाँदै गरेको ना १ घ ५४४ नम्बरको दूध बोक्ने खाली ट्यांकर अनियन्त्रित भई पल्टिँएको थियो । 
दुर्घटनामा हेटौंडा–९ का ३४ वर्षीय सिद्धान्त लामाको मृत्यु भएको हो । 

सहचालक धादिङ गजुरी गाउँपालिकाका ४५ वर्षका प्रेम अधिकारी घाइते भएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिए ।

ट्याङ्कर सडकबाट १ सय मिटर तल खोल्सामा खसेको थियो ।