छोराले गरे बाबुमाथि खुर्पा प्रहार

मकवानपुर- मकवानपुरको हेटौंडामा एक व्यक्तिले आफ्नै बाबुमाथि खुर्पा प्रहार गरेका छन् । हेटौंडा उपमहानगरपालिका वडा नं.१३ मुस्कान टोलका ३५ वर्षीय दिपक मोक्तानले आफ्नै बाबु ६५ वर्षीय जितबहादुर मोक्तानमाथि खुर्पा प्रहार गरेको बागमती प्रदेश प्रहरी कार्यालय हेटौंडाले जनाएको छ ।

प्रहरीका अनुसार शुक्रबार बुवा छोराबीच घरायसी विवाद हुँदा दिपकले जित बहादुरको काँधमा खुर्पा प्रहार गरेका हुन् । खुर्पा प्रहारबाट घाइते भएका जित बहादुरको उपचारका लागि भरतपुर पठाइएको प्रहरीले जनाएको छ ।

---

खुर्पा प्रहार गर्ने छोरा दिपक फरार रहेका छन् । उनको खोजी कार्य भइरहेको प्रहरीले जनाएको छ ।