मोटरसाइकलको ठक्करबाट घाइते पौडेलको उपचारका क्रममा मृत्यु

मकवानपुर- मकवानपुर जिल्लाको हेटौंडा उपमहानगरपालिका-१७ हटियामा मोटरसाइकलले साइकललाई ठक्कर दिँदा घाइते भएका धर्मराज पौडेलको उपचारको क्रममा मृत्यु भएको छ ।

आइतबार ५ बजेको समयमा हेटौंडा-१७ सानोगंगटेस्थित धरान चतरा सडक खण्डमा हेटौंडा बजारबाट हात्तिसुडेतर्फ जाँदै गरेको ना.६ प.७१२ नं.को मोटरसाइकलले सोही दिशा तर्फ जाँदै साइकलयात्री पौडेललाई ठक्कर दिँदा घाइते भएका थिए ।

---

पौडेलको टाउकोमा चोट लागेको तथा अवस्था गम्भीर रहेकोमा हेटौंडा अस्पतालमा उपचारका लागि ल्याइएकोमा थप उपचारका लागि भरतपुर पठाइएको थियो ।

पौडेलको नयाँ मेडिकल कलेज भरतपुर चितवनमा उपचारका क्रममा सोमबार बिहान ९ बजे डाक्टरले मृत घोषणा गरेका हुन् । मोटरसाइकल चालक जिल्ला मकवानपुर बकैया गाउँपालिका-१२ घलेगाउँका ३१ वर्षीय बलराम घले जिल्ला प्रहरी कार्यालय मकवानपुरको नियन्त्रणमा रहेको बताइएको छ ।