शान्ति सेनामा कंगो पुगेका खोटाङका राईको निधन

काठमाडौँ- शान्ति सेनाका लागि कंगो पुगेका नेपाली सेना भुपजित राईको निधन भएको छ । कंगोमा रहेका श्री नरसिंह दल गणका उनन्तीसौं डफ्फामा कार्यरत उनको शुक्रबार मृत्यु भएको हो ।

शान्ति सेनामा रहँदा टेक्टिकल अपरेटिङ बेस जिनामा कार्यरत रहँदा राई बिरामी थिए । उनको कंगोको बुनियाँस्थित मोरक्कन लेभल अस्पतालमा उपचारका क्रममा मृत्यु भएको हो ।

---

नेपाली सेना मुख्यालयका अनुसार राईको शव ल्याउन आवश्यक समन्वय भइरहेको छ । उनी खोटाङ फक्टाङ गाउँपालिका-८ का हुन् ।