कञ्चनपुरबाट अफिमसहित एकजना पक्राउ

धनगढी- कञ्चनपुरबाट अफिमसहित एक जना भारतीय सरदार पक्राउ परेका छन् ।

शनिबार इलाका प्रहरी कार्यालय त्रिभुवनबस्तीको टोलीले उनलाई अफिमसहित पक्राउ गरेको हो । पक्राउ पर्नेमा भारतीय सीमा पार गरेर काँचो अफिमसहित नेपाल प्रवेश गरेका सरदार दलीप सिंह रहेका छन् ।

---

उनी पुनर्वास नजिकैको नाका बिचपटा हुँदै नेपाल प्रवेश गरेका थिए । इलाका प्रहरी कार्यालय त्रिभुवनबस्तीका प्रमुख इन्सपेक्टर हेमराज भट्टले यस विषयमा थप अनुसन्धान भइरहेको बताए ।