काठमाडौँमा पठाओ, इनड्राइभका अफलाइन ड्राइभ गर्ने ८३ जना चालक प्रहरी नियन्त्रणमा

काठमाडौँ- पठाओ, इनड्राइभका अफलाइन ड्राइभ गर्ने ८३ जना चालकलाई काठमाडौँ प्रहरीले नियन्त्रणमा लिएको छ । आइतबार राति काठमाडौँका विभिन्न स्थानबाट पठाओ, इनड्राइभर र अफलाइन ड्राइभरलाई प्रहरीले नियन्त्रणमा लिएको हो ।

काण्माडौँका विभिन्न स्थानहरूबाट अनधिकृत तवरले सर्वसाधारणहरूलाई ओसारपसार गर्ने ८३ जना चालकलाई नियन्त्रणमा लिएको महानगरीय प्रहरी परिसर काठमाडौँका प्रवक्ता कुमोद ढुंगेलले जानकारी दिए ।

---

‘आपराधिक घटनाहरूमा यस्ता सवारीहरूको संलग्नता देखिएको र सुरक्षा संवेदनशीलताको दृष्टिबाट सदैव जोखिम सृजना हुने भएको कारणले अफलाइन ड्राइभ  नगर्न तर्फ सचेत गराएका छौ,’ उनले भने । सरोकारवाला तथा सर्वसाधारणहरूलाई अफलाइन ड्राइभ नगर्न अनुरोध गरिएको उनले बताए ।