दाजुमाथि खुकुरी प्रहार गरी फरार भाइ पक्राउ

मकवानपुर । मकवानपुरको बागमती गाउँपालिकामा आफ्नै दाइमाथि खुकुरी प्रहार गर्ने भाइलाई प्रहरीले पक्राउ गरेकाे छ । बागमती वडा नं.९ बेतिनी अगौटेमा आफ्नै दाजुमाथि खुकुरी प्रहार गरी फरार रहेका भाइलाई प्रहरीले मंगलबार पक्राउ गरेको हाे ।

अगौटे वस्ने ४८ बर्षीय अशोक तुम सिहंलाई खुकुरी प्रहार गरी फरार रहेका ४७ बर्षीय जिवन बहादुर तुम सिंहलाई पक्राउ गरिएको मकवानपुरका प्रहरी नायव उपरीक्षक लक्ष्मी भण्डारीले जानकारी दिए । भाइ जीवनले आफ्नै दाइ अशोकलाई गत असोज २८ गते साँझ खुकुरी प्रहार गरेका थिए ।

---

खुकुरी प्रहारबाट दाजु अशोकको घाँटी र दाहिने हातमा चाेट लागेकाेले उपचारकाे लागि हेटौडा अस्पताल ल्याइएकाे थियो । पक्राउ परेका जीवनमाथि आवश्यक अनुसन्धानका साथै कानुनी प्रकृया अगाडि बढाइएको जिल्ला प्रहरी कार्यालय मकवानपुरले जनाएको छ ।