इजरायलमा मारिएका चार नेपालीको शव आइतबार काठमाडौँ आइपुग्ने

काठमाडौँ- हमासको आक्रमणमा परी मृत्यु भएका १० नेपालीमध्ये चार जनाको शव पर्सि आइतबार नेपाल ल्याइने भएको छ ।​ तेलअविवस्थित नेपाली दूतावासले आज एक प्रेस विज्ञप्ति जारी गर्दै साे बारे जानकारी दिएकाे हाे ।

दूतावासका अनुसार नारायणप्रसाद न्यौपाने, लोकेन्द्रसिंह धामी, दिपेशराज बिस्ट र आशिष चौधरीकाे शव ल्याउन लागिएकाे हाे ।

---

सम्पूर्ण कानुनी प्रक्रिया पूरा गरेर चार जनाको शव भोलि दिउँसो १ः२५ बजेको फ्लाइ दुबईको उडानबाट नेपाल पठाउन लागिएको दूतावास जनाएकाे छ । दूतावासका  अनुसार इजरायलबाट दुबईसम्म र त्यहाँबाट काठमाडौँसम्म पुग्ने व्यवस्था मिलाइएको छ ।

फ्लाइट डिटेलअनुसार पर्सि बिहान काठमाडौँ आइपुग्नेछ । अन्य शव पहिचानको काम भइरहेको पनि दूतावासले जनाएकाे छ ।

यस्तै सम्पर्कविहीन रहेका विपिन जोशीको खोजी भइरहेको पनि उसले भनेकाे छ ।