लागूऔषधसहित चारजना युवा पक्राउ

कैलाली- कञ्चनपुरबाट लागूऔषधसहित प्रहरीले चार जना युवालाई पक्राउ गरेको छ । अस्थायी प्रहरी पोष्ट झोलुङ्गे पुलबाट खटिएको प्रहरी टोलीले लागूऔषधसहित चार जनालाई पक्राउ गरेको हो । 

पक्राउ पर्नेमा दोधारा–चाँदनी नगरपालिका–२ का २१ वर्षीय पवन धामी, भीमदत्त नगरपालिका–१० गड्डाचौकीका २३ वर्षीय कुस कार्कीलाई १ दशमलव शून्य ७ ग्राम लागूऔषधसहित प्रहरीले पक्राउ गरेको छ ।

---

त्यस्तै दोधारा–चाँदनी नगरपालिका–२ का १९ वर्षीय सन्तोष सार्की र वडा नम्बर २ का १८ वर्षीय कमल सुनारलाई पनि लागूऔषधसहित पक्राउ गरिएको हो । 

दुवै जनालाई शून्य दशमलव १० मिलिग्राम लागूऔषधसहित पक्राउ गरिएको प्रहरीले जनाएको छ । पक्राउ परेकालाई थुनामा राखी थप अनुसन्धान भइरहेको प्रहरीले जानकारी दिएको छ ।