झन्डै पाँच लाख रुपैयाँसहित तास खेलिरहेका ७ जना प्रहरीको नियन्त्रणमा

मकवानपुर- मकवानपुर प्रहरीले तास खेलिरहेका ७ जनालाई नियन्त्रणमा लिएको छ । बिहिबार साँझ हेटौंडा–७, देवी बन टोल स्थित गोकुल नाथ पौडेलको घरमा तास खेलिरहेको अवस्थामा पौडेलसहित ७ जनालाई नियन्त्रणमा लिइएको जिल्ला प्रहरी कार्यालय मकवानपुरले जनाएको छ ।

तास खेलिरहेको स्थानबाट ४ लाख ६५ हजार ३ सय ९० रुपैयाँ नगद सहित हेटौंडा–८ बस्ने अजय खड्का, मंदिप पौडेल, रोहित कुमार के.बी र भरत तितुङ तथा हेटौंडा–७ निवासी रुपक चौलागाई, बिरेन्द्र खत्री, सबिन चौलागाई र गोकुल नाथ पौडेलसहित हेटौंडा–१५ बस्ने ओम घलानलाई नियन्त्रणमा लिइएको प्रहरीले जनाएको छ ।

---