भिरबाट लडेर एक जनाको मृत्यु

मकवानपुर- मकवानपुरको भीमफेदी गाउँपालिकामा भिरबाट लड्दा एक जनाको मृत्यु भएको छ । असोज १२ गते दिउँसो भिमफेदी ३ बेसारघारी बस्ने ७० वर्षीय गणेश स्याङतानको भिरबाट लड्दा मृत्यु भएको जिल्ला प्रहरी कार्यालय मकवानपुरले जनाएको छ ।

प्रहरीका अनुसार स्याङ्तान घरदेखि डेढ किमी पश्चिमतर्फ रहेको भिरमा घास काट्न जाँदा लडेर मृत्यु भएको हो । अहिले इलाका प्रहरी कार्यालय भिमफेदीबाट प्रहरी निरीक्षकसहितको टोली घटनास्थलमा गएको छ । 

---