लागूऔषध सेवन गरेर मोटरसाइकल चलाउने पक्राउ

कैलाली । लागूऔषध सेवन गरेर मोटरसाइकल चलाउने दुईजना पक्राउ परेका छन्। जिल्ला ट्राफिक प्रहरी कार्यालय कैलालीका अनुसार १९ वर्षीय अरुण चौधरी र मुकेश जोशी पक्राउ परेका हुन्।

मङ्गलबार धनगढी उपमहानगरपालिका वडा नम्बर १ वडा प्रहरी कार्यालय नजिकबाट बिना हेल्मेट मोटरसाइकल चलाई राखेको अवस्थामा नियन्त्रणमा लिई  लागूऔषध सेवनको परीक्षण गर्दा दुवैजनामा पोजिटिभ रिपोर्ट आएको थियो । 

---

सुदूरपश्चिम प्रदेश ०१–००९ प १२८० नम्बरको मोटरसाइकलमा सवार उनीहरुलाई जिल्ला प्रहरी कार्यालय, कैलालीको नियन्त्रणमा राखिएको प्रहरीले जानकारी दिएको छ ।