काठमाडौँ- भूकम्पमा परी ज्यान गुमाउनेको संख्या १३८ पुगेको छ ।

गएराति जाजरकोटलाइ केन्द्र बनाएर गएको भूकम्पमा परी हालसम्म १३८ जनाको ज्यान गएको हो भने घाइतेको संख्या १६६ जना पुगेका छन ।

---

नेपाल प्रहरीका अनुसार जाजरकोटमा मात्रै १ सय जनाले ज्यान गुमाएका छन भने ८१ जना घाइते भएका छन् । 

र, रूकुम पश्चिममा ३८ जनाले ज्यान गुमाएका छन् भने ८५ जना घाइते भएका छन् ।

घाइतेहरूको स्थानीय अस्पताल, सुर्खेत अस्पताल, भेरी अस्पताल र काठमाडौंमा गरी उपचार भइरहेको छ । 

साथै, सो भूकम्पमा परी गम्भीर घाइतेहरूलाई उपचारका लागि काठमाडौँ ल्याइँदैछ ।

नेपाल प्रहरीका अनुसार सो भूकम्पमा परी घाइते भएकाहरूमध्ये ७ जनालाई नेपाल एयरलाइन्सको उडानद्वारा काठमाडौं ल्याइँदै गरिएको हो ।