भूकम्प प्रभावित क्षेत्रमा ८ सय ५९ प्रहरी परिचालित

काठमाडौं - भूकम्प पीडितको उद्धारका लागि ८ सय ५९ जना परिचालन गरिएको छ । 

नेपाल प्रहरीका अनुसार जाजरकोटबाट प्रहरी नायव उपरीक्षकको नेतृत्वमा ४५० जना खटिएका छन् भने रूकुम पश्चिमबाट प्रहरी नायव उपरीक्षकको कमाण्डमा ३ सय २० जना खटिएका छन् ।

---

कर्णाली प्रदेश प्रहरी कार्यालय र गण सुर्खेतबाट ३९ जना, चौरजहारी बेस क्याम्पबाट २० जना, नेपाल प्रहरी अस्पतालका चिकित्सक प्रहरी नायब महानिरीक्षकको कमाण्डमा मेडिकल टोलीका ११ जना, सल्यान प्रहरी सहायक निरीक्षकको कमाण्डमा १० जना र इलाका प्रहरी कार्यालय बादेपीपल सुर्खेतबाट प्रहरी सहायक निरीक्षकको कमाण्डमा ९ जना गरी ८ सय ५९ जना प्रहरी परिचालन गरिएको हो ।