भूकम्प पीडितलाई राधा माधव समिति र डिभाइन युथ क्लबको राहत

काठमाडौँ- राधा माधव समिति नेपाल र डिभाइन युथ क्लव नेपालले भूकम्प पीडितहरूलाई संयुक्त रूपमा राहत सामग्री वितरण गरेका छन् ।

गत शुक्रबार राति जाजरकाेटमा गएकाे भूकम्पबाट घाइते भएकाहरूलाई राहत सामग्री वितरण गरिएकाे हाे । साथै भेरी नगरपालिका वडा नं ३ मा डिभाइन युथ क्लब नेपाल तथा स्थानीय युवाहरूको सहयोगमा निःशुल्क अन्नजल वितरण शिविर पनि राखिएको छ ।​​

---

जाजरकोट जिल्लामा गएको विनाशकारी भूकम्पबाट प्रभावितहरूको सहयोगार्थ श्री राधा माधव समिति नेपाल हरसम्भव लागिपरेको समितिले बताएकाे छ ।

आज खलंगास्थित श्री राधा माधव समिति जाजरकोट केन्द्रको संयोजन तथा श्री राधा माधव समिति तुलसीपुरको सहयोगमा भूकम्प पीडितहरूलाई राहत सामग्री वितरण गरिएको छ ।