हत्या गरेर फरार रहेकी अछामकी लक्ष्मी सुनार पक्राउ

काठमाडौँ- अछाम एक युवकको हत्या गरेर फरार रहेकी महिला काठमाडौँबाट पक्राउ परेकी छन् । काठमाडौँ उपत्यका अपराध अनुसन्धान कार्यालयको टोलीले ३० वर्षीया लक्ष्मी सुनारलाई नियन्त्रणमा लिएको हो । 

अछामको पञ्चदेवल विनायक नगरपालिका वडा नम्बर ८ निवासी सुनारले आफ्नो छिमेकी रहेका १८ वर्षीय दीपेन्द्रबहादुर शाहीको हत्या गरेकी थिइन् । गत कार्तिक १७ गते बिहान ६: ४५ बजे हत्या गरेपछि उनी फरार रहेकी थिइन् ।

---

उनलाई काठमाडौँ उपत्यका अपराध अनुसन्धान कार्यालयको टोलीले माछापोखरीबाट बुधबार पक्राउ गरेको प्रहरी उपरीक्षक रवीन्द्र रेग्मीले जानकारी दिए । 
सुनारलाई पक्राउ गरी आवश्यक कानुनी कारबाहीका लागि जिल्ला प्रहरी कार्यालय अछाम पठाइएको उनको भनाई छ ।