पटका पड्काउनेदेखि आतिसबाजी गर्नेसम्म कारबाहीमा पर्ने

काठमाडौँ- नेपाल प्रहरीले पटका पड्काउनेदेखि आतिसबाजी गर्नेसम्म कारबाहीमा परिने गर्ने जनाएको छ । 

तिहार पर्वमा पटका पड्काउनेदेखि आतिसबाजी गर्नेसम्मको कार्य हुने भएपछि प्रहरीले सार्वजनिक सूचना निकालेर रोक लगाएको हो । 

---

पटका, भुइँचम्पा र आतसबाजीजस्ता विस्फोटक पदार्थको प्रयोगबाट आगलागी, अंगभंग हुने र मानव स्वास्थ्यमै असर गर्ने भएकाले प्रयोग नगर्न प्रहरीले आग्रह गरेको हो । 

यस्ता विस्फोटक पदार्थको प्रयोग, उत्पादन, आयात, निर्यात, बिक्रीवितरण, र ओसारपसार नगर्न र गरेको पाइएमा कानुन बमोजिम कारबाही हुने भन्दै प्रहरीले सचेत गराएको छ ।