नक्कली नेपाली नोटसहित एकजना पक्राउ

मकवानपुर- मकवानपुर प्रहरीले नक्कली नेपाली नोटसहित एक जनालाई पक्राउ गरेकाे छ । हेटौंडा उपमहानगरपालिका–१५ नयाँवस्तीस्थित सडकबाट नक्कली नोटसहित हेटौँडा–६ का ३० वर्षीय देवराज चौलागाईलाई पक्राउ गरेको प्रहरीले जनाएकाे छ ।

प्रहरी चौकी रातोमाटेबाट खटिएको प्रहरी टोलीले बिहीबार दिउँसो हेटौंडा बजारबाट हेटौंडा १५ नयाँवस्तीतर्फ जाँदै गरेको प्र २–०३–००९ प ३८९८ नम्बरको स्कुटरलाई जाँच गर्ने क्रममा स्कुटर चालक देवराजको साथबाट नेपाली नक्कली रुपैयाँ ५ सय दरका २० थान नाेट बरामद भएको हाे ।

---

प्रहरीले देवराजलाई हिरासतमै राखी अनुसन्धान गरिरहेको जनाएको छ । मुलुकी अपराध संहिता–०७४ अनुसार जाली नोटको कारोबार गरेकाे प्रमाणित भएमा ५ वर्षदेखि १० वर्ष कैद र ५० हजारदेखि १ लाखसम्म जरिवाना हुने व्यवस्था छ ।