जाजरकोट भूकम्प : तिहारपछि पुनर्निर्माण

भेरीगङ्गा (सुर्खेत)- कर्णाली प्रदेश सरकारले तिहारपछि पुनःस्थापनाका साथै पुनर्निर्माणका काम अगाडि बढाउने निर्णय गरेको छ । शुक्रबारको मन्त्रिपरिषद् बैठकले भूकम्पका कारण ध्वस्त भएका संरचनाको पुनर्निर्माण सुरु गर्ने निर्णय गरेको हो ।

प्रदेश सरकारले जाजरकोट र रुकुम पश्चिममा पुनर्निर्माणमा सघाउन सबै निकायसँग  अपिल गरेको छ । 

---

मन्त्रिपरिषद्का निर्णयबारे जानकारी दिँदै प्रदेश सरकारका प्रवक्ता एवं आन्तरिक मामिला तथा कानुनमन्त्री कृष्णबहादुर जिसीले स्थायी आवास निर्माणका लागि आवश्यक स्रोतसाधन र जनशक्तिको व्यवस्था सङ्घीय सरकारलाई अनुरोध गर्ने निर्णय गरिएको बताए । कार्यविधि बनाएर पुनर्निर्माणका काम थालिने जानकारी उनले दिए ।

भूकम्पमा ज्यान गुमाएकाका  परिवारलाई रु दुई लाख रकम र घाइतेहरूको उपचारका लागि रकम तत्काल उपलब्ध गराउने निर्णय मन्त्रिपरिषद्ले गरेको छ ।
–––