नेपाली किशाेरी भारतमा बेपत्ता

धनगढी- कैलालीस्थित धनगढीकी एक युवती भारतमा बेपत्ता भएकी छन् । जिल्लाको धनगढी उपमहानगरपालिका वडा नम्बर १२ जुगेडा (सी गाउँ) की १७ वर्षीया सुरन शाही भारतमा बेपत्ता भएकी हुन् । 

उनी असोज ५ गते धनगढीबाट भारतको राजधानी दिल्ली गएकी थिइन् । भारतको दिल्लीस्थित मोतिनगर सुदामापुरी गल्लि तम्बर ५८, घर नम्बर १/१३१ बाट उनी बेपत्ता भएकी हुन् । उनको परिवार स्रोतका अनुसार रातिको समयमा शौचालयका लागि बाहिर निस्किएकी शाही बेपत्ता भएकी हुन् । उनी असोज २० गतेदेखि परिवारको सम्पर्कमा छैनन् । 

---

परिवारका सदस्यले उनको खोजीका लागि दिल्लीका गल्ली–गल्लीमा पोस्टर लगाएका छन् । उनीहरूले भारतीय प्रहरीलाई समेत खबर गरेका छन् । उनलाई फेला पार्नेले ललित शाहीको फोन नम्बर ९७६२२९३२३१ मा सम्पर्क गर्न आफन्तले भनेका छन् । न्युजकारखाना