पोखरा अन्तर्राष्ट्रिय विमानस्थलबाट लागूऔषधसहित विदेशी नागरिक पक्राउ

काठमाडौँ- पोखरा महानगरपालिका-१४ चाउथेस्थित पोखरा अन्तर्राष्ट्रिय विमानस्थलको प्रस्थान कक्षबाट लागूऔषधसहित एक जना विदेशी नागरिकलाई प्रहरीले पक्राउ गरेको छ ।

विमानस्थलको प्रस्थान कक्षमा अवैध लागूऔषध गाँजा बोकी विदेशी नागरिक हिँडेको भन्ने सूचनाका आधारमा लागूऔषध नियन्त्रण ब्यूरो पोखरा र जिल्ला प्रहरी कार्यालय कास्कीबाट खटिएको प्रहरी टोलीले चेकजाँच गर्ने क्रममा नर्वेका नागरिक ५३ वर्षीय रुन फ्लाथालाई पक्राउ गरेको हो ।

---

उनको साथबाट लागूऔषध पोल्यान जस्तो देखिने पदार्थ १० ग्राम र लागूऔषध गाँजाको धुलो जस्तो देखिने पदार्थ ३५ ग्राम फेला परेको जिल्ला प्रहरी कार्यालय कास्कीले जनाएको छ । उनलाई कास्की जिल्ला अदालतबाट लागूऔषध सम्बन्धी मुद्दामा दिन पाँच (५) म्याद थप गरी अनुसन्धान प्रक्रिया अगाडि बढाइएको छ ।