रूसी सेनामा कार्यरत तीन नेपालीको मृत्यु

काठमाडौँ- रुस-युक्रेन युद्धमा परी तीन जना नेपालीको मृत्यु भएको छ । रूसी सेनामा भर्ना भएका तीन नेपालीको कात्तिक २९ गते मृत्यु भएको हो ।

मृत्यु हुनेमा दोलखाको मेलुङ-६ सुनापतीका राजकुमार रोका, इलाम-५ का गंगाराज मोक्तान र स्याङ्जा पुतलीबजार-५ ठूलास्वाराका प्रितम कार्कीको मृत्यु भएको हो ।

---

उनीहरू भिडन्तमा मारिए या के कारणले मारिए अझै खुल्न सकेको छैन । तर त्रिपुरेश्वरस्थित कन्सुलर सेवा विभागलाई पत्र लेखेर उनीहरुको शव व्यवस्थापनका लागि परिवारसँग समन्वय गराइदिन मस्कोस्थित नेपाली दूतावासले भनेको छ ।