अमेरिका पठाइदिन्छु भनी ठगी गर्ने कैलालीका न्यौपाने पक्राउ

काठमाडौँ- अमेरिका पठाइदिन्छु भनी ठगी गर्ने कैलालीका रमेश न्यौपानेलाई प्रहरीले पक्राउ गरेको छ । काठमाडौँ उपत्यका अपराध अनुसन्धान कार्यालयका अनुसार उनलाई काठमाडौँको सिभिल अस्पतालबाट पक्राउ गरिएको हो ।

उनले गणेश अधिकारीसहित ५ जनालाई अमेरिका पठाइदिन्छु भनी प्रतिव्यक्ति ४५ लाख रुपैयाँ उठाएका थिए । पीडितहरूबाट कुल ६४ लाख ३५ हजार रुपैयाँ संकलन गरेका थिए ।

---

२८ वर्षीय न्यौपानेले अमेरिकाको प्रतिष्ठीत होटलमा काम लगाइदिन्छु भनेर रकम संकलन गरेको कार्यालयका प्रवक्ता रविन्द्र रेग्मीले जानकारी दिए । पीडितहरूसँग उनले मासिक ३ लाख पारिश्रमिक हुन्छ भनी रकम असुल गरेका थिए ।

कैलाली टिकापुर १ का न्यौपाने हाल काठमाडौँ महानगरपालिका ३२ बस्दै आएका थिए ।

थप अनुसन्धानका लागि उनलाई ताहाचलस्थित वैदेशिक रोजगार विभागमा पठाइएको रेग्मीले जानकारी दिए ।