एनसेल कार्यालय अगाडि विरोध प्रदर्शन

काठमाडौँ- स्वतन्त्र युवाहरूको एक समूहले एनसेल कार्यालय अगाडि विरोध प्रदर्शन गरेको छ ।​ एनसेलको शेयर खरिदबिक्रीमा चलखेल भएको भन्दै उनीहरूले लैनचौरस्थित एनसेल कार्यालयमा प्रदर्शन गरेको हो ।

प्रदर्शनमा सहभागीहरूले 'छानबिनको नाममा नाटक मञ्चन बन्द गर', 'राज्यको कर छल्न पाइँदैन', 'भ्रष्टाचारीलाई चोख्याउने छानबिन समिति मान्दैनौँ' लगायतका प्लेकार्ड प्रदर्शन गरेका थिए ।

---

त्यस्तै उनीहरूले एनसेल प्रकरणमा ठूला दलका नेताहरूको संलग्नता रहेको समेत आरोप लगाएका थिए । एनसेलको ८० प्रतिशत शेयर नेपाल बाहिरै बिक्री भएपछि सो विषयमा सरकारले अनुसन्धान गर्न समिति समेत बनाएको छ ।

संसदीय समितिले एनसेल सेयर खरिदबिक्री रोक्न निर्देशन दिइसकेको छ ।