मानव अधिकार दिवसमा काठमाडौंमा र्‍याली

काठमाडौँ  - ७५ औं अन्तर्राष्ट्रिय मानव अधिकार दिवसको अवसरमा काठमाडौंमा र्‍याली निकालिएको छ ।

आइतबार बिहान काठमाडौंको भृकुटीमण्डपमा मानवअधिकार र्‍याली निकालिएको हो । राष्ट्रिय मानव अधिकार आयोगको आयोजनामा गैसस महासंघ नेपाल लगायतका संघसंस्थाहरू  र्‍यालीमा सहभागी भएका थिए । 

---

र्‍याली भृकुटीमण्डपबाट सुरु भइ शान्तिवाटिकामा सम्पन्न भएको छ । यस वर्ष 'प्राकृतिक प्रकोप तथा विपदबाट प्रभावितहरुका लागि मानव अधिकारको सुनिश्चितताः आजको आवश्यकता' भन्ने नारा तय गरिएको छ । र्‍यालीमा सहभागीहरुले लैङ्गिक हिंसा अन्त्यको सुनिश्चितता गर्नुपर्ने मागसहितका प्लेकार्ड बोकेर प्रदर्शन गरेका थिए ।