जब पोखराबाट १७ वर्षीय किशोरले बस चोरे...

पोखरा- पोखराबाट एक किशोरले बस चोरी गरेका छन् । पोखरा-९ पृथ्वीचोकमा पार्किङ गरी राखिएको बस एक जना किशोरले चोरी गरेका हुन् ।

शुक्रबार ग१ख ९६३८ नम्बरको बस चोरेर लैजाँदै गर्दा प्रहरीले ती किशोरलाई चितवनबाट पक्राउ गरेको हो ।

---

बस चोरी भएको सूचना पाएपछि प्रहरीले खोजी थालेकोमा चितवनस्थित भरतपुर-११ आँपटारी चेकपोष्टबाट बससहित तनहुँ म्याग्दे घर भएका १७ वर्षीय किशोरलाई पक्राउ गरिएको हो ।

उनको परिचय प्रहरीले गोप्य राखेको छ । उनलाई जिल्ला अदालतबाट चोरी तथा डाँका मुद्दामा म्याद थप गरी अनुसन्धान थालिएको प्रहरीले जनाएको छ ।