अन्तर्राष्ट्रिय सेफ सोसाइटीको अध्यक्षमा युएईका अरुण अधिकारी निर्वाचित

काठमाडौँ- अन्तर्राष्ट्रिय सेफ सोसाइटीको अध्यक्षमा युएईमा कार्यरत अरुण अधिकारी निर्वाचित भएका छन् । सेफ सोसाइटी युएईकाे निवर्तमान अध्यक्ष समेत रहेका अधिकारीलाई हालै सम्पन्न सेफहरूको अन्तर्राष्ट्रिय कमिटीले अध्यक्षका लागि सर्वसहमतिमा निर्वाचित गरेको हो । 

अधिकारी नेपालमा रामेछाप घर भई विगत ७ वर्षदेखि युएईको राजधानी आबुधावीको सदियात आइलेण्डमा रहेको ५ तारे होटलमा कार्यरत सेफ हुन् ।

---

नेपाली खाना र परिकारलाई प्रचारप्रसार गर्ने मुख्य उद्देश्यले एकीकृत भएका सेफहरू विभिन्न देशमा रहेका नेपाली सेफहरूलाई एउटै संस्थामा जोड्न अन्तर्राष्ट्रिय रूपमै संस्थालाई विस्तार गर्न लागेका हुन् ।

विभिन्न देशमा रहेका अन्य देशका सेफहरूसँग समेत हातेमालो गर्दै काम गर्ने जनाएको छ । विश्वभरी रहेका सेफहरूलाई संस्थामा आबद्ध भई एकत्रित हुन अध्यक्ष अधिकारीले अनुरोध समेत गरेका छन् ।

अधिकारी एनआरएन युएईको वर्तमान केन्द्रीय सचिव समेत रहेका छन् ।