गोविन्द केसीसहित सात जना पक्राउ

काठमाडौँ- डाक्टर गोविन्द केसीसहित सात जना माइतीघर मण्डलबाट पक्राउ परेका छन् । शनिबार निधेषित क्षेत्रमा निषेधाज्ञा तोड्न माइतीघरमा प्रदर्शनमा उत्रिएका उनीहरूलाई पक्राउ गरिएको हो ।

सशस्त्र द्वन्द्वकालमा भएका जघन्य तथा मानवताविरोधी अपराधका दोषीहरुलाई दण्डित गर्दै मृतक, घाइते र बेपत्ताका परिवारलाई न्याय हुने गरी संक्रमणकालीन न्यायप्रक्रिया शीघ्र टुंगोमा पुर्‍याउनुपर्ने उनीहरूले माग राखेका छन् ।

---

त्यस्तै चिकित्सा शिक्षा आयोगका निर्देशकहरुको नियुक्ति अदालतबाट रोकिएकोमा तत्काल अदालतले नै बाटो खोलेर नियुक्ति अघि बढाउनुपर्ने, स्वास्थ्य विज्ञान प्रतिष्ठान संचालनमा ल्याउनुपर्ने, विश्वविद्यालय र प्रतिष्ठानहरुमा राजनीतिक भागबन्डाको अन्त्य गरी योग्यताका आधारमा पदाधिकारी नियुक्ति गर्नुपर्ने, सरकारी अस्पतालमा दरबन्दी थप गर्नुपर्ने र औषधि नि:शुल्क गर्नुपर्ने माग उनीहरूले राखेका छन् ।