इलाममा १९ वर्षीय छोराको खुकुरी प्रहारबाट मृत्यु, बुवा पक्राउ

इलाम - आफ्नै छोराको हत्या आरोपमा इलाममा बुवा पक्राउ परेका छन् । १९ वर्षीय जीवन राईको हत्या गरेको अभियोगमा माई नगरपालिका-६ बिहिबारे बस्ने ३६ वर्षीय दिल कुमार राईलाई सोमबार राति प्रहरीले पक्राउ गरेको हो । 

घरायसी विवादको क्रममा दिल कुमारले खुकुरी प्रहार गर्दा गम्भीर घाइते भएका जीवनको बिएण्डसी अस्पताल विर्तामोडमा उपचारको क्रममा मृत्यु भएको थियो ।  घटनाको खबर प्राप्त हुनासाथ प्रहरी चौकी महमाईबाट खटिएको प्रहरीले उनलाई पक्राउ गरेको हो ।  

---

यस सम्बन्धमा प्रहरीले आवश्यक अनुसन्धान गरिरहेको छ ।