थानकोटबाट तास खेल्दै गरेका सातजना पक्राउ

काठमाडौँ- काठमाडौँको चन्द्रागिरि नगरपालिका-३, थानकोटस्थित खाजा घरमा तास खेलिरहेको अवस्थामा प्रहरीले सात जनालाई पक्राउ गरेको छ ।

आइतबार साँझ उनीहरूलाई नियन्त्रणमा लिइएको प्रहरीले जनाएको छ ।

---

पक्राउ पर्नेमा मकवानपुरको थाहा नगरपालिका-९, चित्लाङका ३० वर्षीय रामकृष्ण थोकरसहित सात जना छन् । महाशक्ति पेट्रोल पम्प नजिक मीना मगरको खाजा घरमा जुवातास खेलिरहेको अवस्थामा उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

प्रहरीका अनुसार नगद नौ हजार ९७० रुपैयाँ र एक बुक ताससहित उनीहरूलाई पक्राउ गरिएको हो ।