एकै दिन ७६ वर्षीय दुई वृद्ध बेपत्ता

उर्लाबारी- मोरङको पथरीशनिश्चरे–९ र उर्लाबारी–९ बाट एकै दिन ७६ वर्षीय जनकलाल बास्कोटा र नारायणप्रसाद सापकोटा बेपत्ता भएका छन् । उनीहरू दुवै जना गत पुस २१ गते बिहानदेखि परिवारसँग सम्पर्कविहीन भएका हुन् ।

नाति लेखनाथ बास्कोटाले पुस २१ गते बिहान साढे ७ बजेतिर चिया खाएर चौक निस्किन्छु भनेर हिँडेका हजुरबुबा एक साता बितिसक्दा पनि घर नफर्किएको बताए । 

---

एक सातायता खोजीलाई तीव्र बनाए पनि कहीँ कतै नभेटिएको लेखनाथको भनाइ छ । उनी छोरा गोपाल बास्कोटाको साथमा बस्दै आएका थिए ।

सोही दिनको सोही समयमा उर्लाबारी-९ का ७६ वर्षीय नारायणप्रसाद सापकोटा बेपत्ता भएका छन् ।