बलात्कारपछि बालिकाको हत्या आशंकामा प्रदर्शन

महोत्तरी : महोत्तरीको बर्दिबास नगरपालिका-१४ मा ६ वर्षीया बालिकाको हत्या भएको छ । बलात्कारपछि बालिकाको हत्या भएको आशंका स्थानीयले गरेका छन् ।

आइतबार साँझदेखि बस्तीबाटै हराएकी शहिद आलमकी छोरी गुलाब साह खातुनको शव भेटिएको इलाका प्रहरी कार्यालय बर्दिबासका डीएसपी राजन चापागाईंले जानकारी दिए ।

---

बालिका हत्याको विरोधमा स्थानीयले पूर्वपश्चिम राजमार्गमा प्रदर्शन सुरु गरेका छन्। मंगलबार बिहानैदेखि स्थानीयले सडकमा टायर बालेर गरेको प्रदर्शनको कारण पूर्वपश्चिम राजमार्ग ठप्प भएको छ ।