बैतडीमा मृत भेटिए कार्यालय सहयोगी

बैतडी- बैतडीमा वडा कार्यालय सहयोगी मृत फेला परेका छन् । जिल्लाको मेलौली नगरपालिका-८ कोटीगाँउका कार्यालय सहयोगी लक्ष्मणसिंह विष्ट मृत फेला परेका हुन् ।

बिहान उपचारका लागि धनगढी जान्छु भनि हिँडेका कार्यालय सहयोगी विष्ट वडाकै हरडा खान धर्मशालाको उकालो बाटोमा शुक्रबार मृत फेला परेको जिल्ला प्रहरी कार्यालय बैतडीका प्रवक्ता नन्दराज जोशीले बताए ।

---

विष्ट प्रेसर र सुगर रोगबाट ग्रसित थिए । विष्टलाई स्थानीयले बाटोमा घोप्टिएको अवस्थामा भेटेका थिए । स्थानीयले देखेपछि प्रहरीलाई खबर भएपछि प्रहरी घटना स्थल पुगेको प्रहरी प्रवक्ता जोशीले बताए ।

अहिले मृतक विष्टको शव मेलौलीको केशरपुर प्राथमिक स्वास्थ्य केन्द्रमा राखिएको छ। शवको पोष्टमार्टम गरेपछि आफन्तको जिम्मा लगाइने प्रहरीले जनाएको छ ।