भरतपुरमा जिपको ठक्करबाट बुवाको मृत्यु, छोरी गम्भीर घाइते

चितवन - भरतपुर महानगरपालिका–१६ शिबघाटमा बोलेरोको ठक्करबाट बुवाको मृत्यु भएको छ भने छोरी गम्भीर घाइते भएकी छन् । शरणपुरबाट नारायणगढ आउँदै गरेको बा.प्र.०३–००१ च ११९७ नं.को बोलेरोले बा.प्र.०३–००३प ८६२४ नं.को मोटरसाइकललाई शनिबार बेलुका करिब साढे सात बजेको समयमा ठक्कर दिएको जिल्ला प्रहरी कार्यालय चितवनले जनाएको छ ।

प्रहरीका अनुसार दुर्घटनामा सोही स्थान बस्ने ४१ वर्षिय मधुसुधन खत्री र उनकी छोरी १५ वर्षीय अपेक्षा खत्री गम्भीर घाइते भएको अवस्थामा नयाँ मेडिकल कलेजमा उपचारको लागि पठाइएको थियो । उपचारको क्रममा राती करिब साढे आठ बजे मोटरसाइकल चालक बुवा मधुसुधन खत्रीलाई डाक्टरले मृत घोषणा गरेको हो । छोरीको भने उपचार भइरहेको प्रहरीले जनाएको छ । 

---

 दुवै सवारी साधन र बोलेरो चालक प्रहरी नियन्त्रणमा छन् ।