मकाउ पठाइदिन्छु भन्दै ठगी गर्ने एकजना पक्राउ

काठमाडौँ- वैदेशिक रोजगारीका लागि मकाउ पठाइदिन्छु भन्दै ठगी गरेको आरोपमा काठमाडौँ उपत्यका अपराध अनुसन्धान कार्यालयले एक जनालाई पक्राउ गरेको छ ।

पक्राउ पर्नेमा काठमाडौँको महाराजगन्ज बस्ने वर्ष ५३ को पृथ्वीराज सिग्देल रहेका छन् ।

---

मनिराम तिमल्सिना समेतलाई वैदेशिक रोजगारीका लागि मकाउ पठाइदिन्छु, त्यसको लागि प्रतिव्यक्ति नौ लाख रुपैयाँ लाग्छ, मकाउ पुगेपछि प्रतिष्ठित कम्पनीमा सेक्युरिटी गार्डको काम लगाइदिन्छु, मासिक १ लाख ८० हजार रुपैयाँ तलब हुन्छ भनी प्रलोभनमा पारी उनले ठगी गरेको पाइएको प्रहरीको भनाइ छ ।

पीडितहरूबाट पटक पटक गरी २ लाख ७० हजार रुपैयाँ रकम लिई सम्पर्कविहीन भएका सिग्देललाई अपराध अनुसन्धान कार्यालयबाट खटिएको प्रहरी टोलीले माघ १२ गते दरबारमार्गबाट पक्राउ गरेको थियो । उनीमाथि थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको छ ।