रोकेर चालक पसल जाँदा जिप भीरबाट खस्यो

काठमाडौँ- अर्घाखाँचीमा जिप दुर्घटना भएको छ । शनिबार बिहान लु १ ज १६६९ नम्बरको जिप भूमिकास्थान नगरपालिका-९ मा दुर्घटना भएको हो ।

जिपमा सवार चारमध्ये दुई जनाको अवस्था चिन्ताजनक भएको  जिल्ला प्रहरी कार्यालय अर्घाखाँचीका डिएसपी प्रतितसिंह राठौरले बताए ।

---

जिप रोकेर न्युट्रलमा राखेर चालक पसल गएका बेला भीरबाट खसेको राठौरले जानकारी दिए ।

उनका अनुसार चालक भूमिकास्थान नगरपालिका-८ का वसन्त खनाललाई नियन्त्रणमा लिइएको छ ।