चितवन प्रहरीले हराएका ९५ थान मोबाइल फेला पारी सम्बन्धित धनीलाई बुझायो

काठमाडौँ- जिल्ला प्रहरी कार्यालय चितवनले विभिन्न मितिमा हराएका ९५ थान मोबाइल फेला पारेर सम्बन्धित धनीलाई बुझाएको छ ।

आइफोन, सामसङ, रेडमी, अप्पो, भिभो, पोको​लगायतका विभिन्न कम्पनीका ९५ थान मोबाइलहरू आज सम्बन्धित धनीलाई बुझाएको जिल्ला प्रहरी कार्यालय चितवनले जनाएको छ ।

---

चितवन प्रहरीका अनुसार मोबाइल हराएको भनि प्राप्त भएका निवेदनको सम्बन्धमा खोजतलास परिपत्र गरी चितवन जिल्लासहित काठमाडौँ, पर्सा, बारा, नवलपरासी, कास्कीलगायतका जिल्लामा अन्य व्यक्तिले चलाइरहेको अवस्थामा हराएका ४५ थान मोबाइलहरू फेला पारिएको थियो । उक्त मोबाइल गरी जम्मा ९५ थान मोबाइलहरू सम्बन्धित धनीलाई बुझाइएको हो ।