घरको छतबाट खसेर ८ वर्षीय बालक घाइते

बझाङ- बझाङमा घरको छतबाट लडेर एक बालक घाइते भएका छन् ।

छबिसपाथिभेरा गाउँपालिका-२ मुगला घर भई जयपृथ्बी नगरपालिका-९ सिमखेतमा कोठा गरी बस्ने भिरु कडायतका ८ वर्षीय छोरा आयुश कडायत घरको छतबाट खसेर घाइते भएका हुन् ।

---

शनिबार दिउँसो ३ बजेतिर घरको छतमा खेल्ने क्रममा भुइँमा खसेका कडाएतको आँखा, मुख, छाती र टाउकोमा चोट लागेको जिल्ला प्रहरी कार्यालय बझाङका सूचना अधिकारी एवं प्रहरी निरीक्षक दिपेश चौधरीले बताए ।

प्रहरी निरीक्षक चौधरीका अनुसार बालकको अवस्था गम्भीर रहेको छ । घाइते बालकलाई जिल्ला अस्पताल बझाङले बाहिर रेफर गरिएको जनाएको छ ।