क्रान्तिकारी युवा संगठन नेपालले यातायात व्यवस्था विभागका महानिर्देशक रिजाललाई दले कालोमोसो

काठमाडौँ- मोहन वैद्य नेतृत्वको नेकपा क्रान्तिकारी कम्युनिष्ट पार्टीको युवा संगठन क्रान्तिकारी युवा संगठन नेपालले यातायात व्यवस्था विभागका महानिर्देशक उद्धव प्रसाद रिजालमाथि कालोमोसो दलेका छन् । सोमबार महानिर्देशक रिजालमाथि मीनभवनस्थित कार्यालयमै कालोमोसो दलिएको साे संगठनका अध्यक्ष हरिश भट्टले जानकारी दिए । 

संगठनले लाइसेन्स घोटालामा संलग्न भएको आरोप लगाउँदै उनीमाथि कालोमोसो दलेकाे भट्टले बताए । कालोमोसो दल्ने व्यक्तिको खोजी भइरहेको प्रहरीले जनाएको छ। 

---